img
12/06/2013 , 02:09 ص

رێنمایی له‌باره‌ى دووركه‌وتنه‌وه‌ له‌ كێشانى جگه‌ره‌

..... هاوڵاتى به‌ڕێز
به‌وپێیه‌ى جگه‌ره‌ نزیكه‌ى چوار هه‌زار ماده‌ى كیمیایی تیایه‌ كه‌ چوارسه‌دیان ماده‌ى ژه‌هراویین و زیانیان بۆ ته‌ندروستى مرۆڤ هه‌یه‌، بۆیه‌ ساڵانه‌ پێنج ملیۆن كه‌س ده‌كاته‌   قوربانیی
                                                                                                                      .بۆ ئه‌وه‌ى یه‌كێك نه‌بیت له‌و قوربانیانه‌، له‌ جگه‌ره‌ دوور به‌
 
........هاوڵاتى به‌ڕێز
جگه‌ره‌كێشان یه‌كێكه‌ له‌ هۆكاره‌كانى به‌رزبونه‌وه‌ى فشارى خوێن، هه‌روه‌ها رۆڵی هه‌یه‌ له‌ زیادبونى رێژه‌ى كۆلیسترۆلأ، واتا "چه‌وری خوێن".
. كه‌واتا دووركه‌وه‌ له‌ جگه‌ره‌، بۆ ئه‌وه‌ى نزیك بیت له‌ ته‌ندروستى و ژیان
 
.......هاوڵاتى به‌ڕێز
 
ماده‌ى نیكۆتین، له‌ گرنگترین پێكهاته‌كانى جگه‌ره‌یه‌، ئه‌م ماده‌یه‌ هۆكاره‌ بۆ ئاڵوده‌ بوون و هاوشێوه‌ى ماده‌ هۆشبه‌ره‌كانى وه‌كو "تریاك" و "كۆكاین"ه‌.
 .بۆ دوور بوون له‌ ئاڵوده‌بوون، له‌جگه‌ره‌ دوور به‌ 
 
..... هاوڵاتى به‌ڕێز
به‌پێی زانیاریه‌كانى رێكخراوى ته‌ندروستى جیهانى، 80 بۆ 90%ى هۆكاره‌كانى تووشبون به‌ شیرپه‌نجه‌ى سییه‌كان، به‌هۆی كێشانى جگه‌ره‌وه‌یه‌.
.كه‌واتا دووركه‌وه‌ له‌ جگه‌ره‌، بۆ ئه‌وه‌ى نزیك بیت له‌ ته‌ندروستى و ژیان
 
.....هاوڵاتى به‌ڕێز
سه‌رباری ئه‌وه‌ى بۆنى ناوده‌م و هه‌ناسه‌ ناخۆش ده‌كات، جگه‌ره‌ زه‌ردبونه‌وه‌ى ددان و تووشبونى ئازارى لێده‌كه‌وێته‌وه‌. هۆكارێكى سه‌ره‌كیشه‌ بۆ لاوازبوونى به‌رگى ددان و كلۆر بوونى.
.كه‌واتا دووركه‌وه‌ له‌ جگه‌ره‌، بۆ ئه‌وه‌ى نزیك بیت له‌ ته‌ندروستى و ژیان